Mir spiile us!
 |
(Alli drey Blaggedde normaal) Für e Mäntig eyni, für e Zyschtig eyni Für e Mittwuch eyni, für en Ändstraich keyny, jä Sy - mir spiilen us und tien enthülle, s’Comitée muess d’Kasse fülle! |
 |
(BeVauBe-Logo im Huet) Dangg Tötsch-Screen wo d kasch s Menu starte und dangg Cash-card-reader oder ECe-Karte, kasch top-modärn s Billye uuseloh! nur bis d waisch wie s goht isch s Tram drvoo!Zum Loose |
 |
(Dr Ueli het e Gwehr) Dass me d Schwigermueter nimm kha verschyesse, sell me d Gweehr ins Zyghuus yynebschliesse. Firs Obligatoorisch wurd das denn haisse: Muesch d Kugele vor Hand uff d Schyybe schmeisse!Zum Loose |
 |
(Dr Lällekeenig het e Yshockey-Schleegel) Es het dr EHaCe emoll, das muess me loobe, Es het dr EHaCe emoll, das muess me loobe, Es het dr EHaCe emoll, das muess me loobe, Es Spiil nit verloore – sy häns drum verschoobe!
|
 |
(Im Hindergrund hets e Sudoku) Es 1 obe linggs - es 3 rächts unde. Fir s 9 hani no kai Plätzli gfunde! Jä das Sudoku isch e tolli Sach wony scho syt Johre by dr Styyrerkläryg mach.Zum Loose |
 |
(Dr Lällekeenig het e Schnaabel statt e Nase) Es maint bim Schnaabelpryys e Schnitzelbangg Lutstargg zumenen andere Bangg Wennd my hit nid gwünne losch – du Gloon Gang i näggscht Joohr in d’Opposition. |
 |
(Die alti Tante miteme Glämmerli uf dr Nase) Am Wöschdaag tuet my Frau – die Däsche D’Wösch ganz ohny Wöschpulver wäsche. Dr Grund wurum sy kai Pulver tuet verwände: Sy wott nid wied Martina Hingis ände. |
 |
(Alli drey Blaggedde normaal) Wott ayn e vollständigs Jassspiil ha, legt er 36 Blaggedden aa. Und luegt er denn no duublig dry Denn waisch, das kha nur e Ziircher sy.
|
|
(Alli drey Blaggedde normaal) Mir hätte do zum Schluss e Bitt, gänd ys alli Jasskarteblaggedde mit und wenns no gooht mit allne Tschooker well unsry Söhn, die spiile Poker! |
|
(Noochvärs) Jetzt het men Ys ganz unverhoohle, bim Spiegelhof unsery ÖKaKa gstoohle! Die hätte doch lieber unverdrosse dr Schuggeposchte verschwinde losse! |
|
|
Ally wo z Basel wohne emoll Hand uffstregge Und jetzt die vo Bettyge, Glayhyynyge und Rieche n ummen Egge! Und jetzt ally andere – und die wo kai Blaggedde hän! Ou Bedyenyg, do hets e baar wo zahle wänn! |