D Strooss gheert uns!
 |
(Blaggedde normal) Die Stroosseschild-Blaggedde-Idee isch gar nit schlächt vom Comitée. Nur fir uns Bänggler isch s fir d Katz Mir hän jo scho lang dr Banggeblatz
|
 |
(4051 – Banggeblatz) A propos Stroosse, e „Standpauke“-Platz wär famoos! Oder au e „Stachelbeery“-Strooss! Wär wird nie e Strooss bikoo? Und ynestäche umeschloo (dure zieh und abeloo). |
 |
(4001 – Märtblatz) Sy, soone Dreyländerbrugg myesste mir in Basel ha! Und zwor vom Märtblatz bis in d Sahara! Denn kennte mr grad - und das wärs Digge die gsamt Regyeryg in d Wyeschty schigge. |
 |
(4051 – Luftgässli) hm hm hm hm hm hm hm hm hm hm, Mumpitz, hm hm hm hm Das isch d Zämmefassyg vo allne Gschichte Wo d Swissair-Bosse de Richter brichte. |
 |
(4052 – Brunn(z)gässli) Me layted z Basel, wills muess syy fir ai Nacht dr ganzi Schyssdrägg diräggt in Rhyy! Esoo wird d ARA, schwubbedibubb zum greeschte Basler Kaigel-Club! |
 |
(4051 – Barfy) Me zaigt bym Barfy zum kulturell uff dr Heechy z blyybe im Museum en alty Aschtro-schyybe! jä so aschtronoomysch wye die Schyybe tuet roschte wird’s neye Schtadtcasyno koschte! |
 |
(4053 – Baggofe-Strooss) Bass uff das Läggerli uff und nimms denn hai Das isch drum vom Klein in Münggestai Und legg s denn em Blocher als Treeschterli uffe Tisch Wenn är widr Nationaalrot isch |
 |
(4055 – Türkheimerstrooss) Zerscht geehn mr gone Döner näh! denn kennts e Schtarböggs-Kaffy gäh! Denn e Aasie-Tschiggen syess und suur! Dasch e typyschy Basler Baize-Tour! |
 |
(4058 – Kirchgass) S griegt dr Bischof Koch nach juristyscher Iberleggyg Im Fall Sabo staatligy Rugedeggyg Morn tueny em Kurt telyfonyere Er söll au dr Bush exkommunyzyere! |
 |
(Blaggedde normal) Mir hän no e Bitt, bevor mir verschwinde: Falls si d Poschtleitzahl vo dr Fasnachtsstrooss finde, denn mälde si s uff dr Poscht am Schalter Zwai wenn d zlang muesch warte, gosch widr hai! |
|
(4053 – Batteriewäg) E Katzebüüsy macht „miau, miau“ e rächte Hund dä bällt „wau, wau“ e Giggel dä macht „kikerykyy“ e schlächte Fuesseballclub: „gigy-öhry“
|
|
|
(4051 – Mintscherblatz) Als Bebby wölbe mir stolz unsry Brüscht! he UNSER Mintschter ganz ohny Grüscht! Jetzt hets widr Ains, jä haide nay – jetzt gehn mr halt widr uff Mariastai!
|
|
|
(4057 – Uferstrooss) Dr Innozent und dr –minu hyroote nit, das isch dr Clou! S isch wägem Ehegsetz – gseschs glyy: y wisse nit, wär sell dr Huusheer syy! |